|
72. DALLIMI I NAMAZIT NGA ASPEKTI GJINOR (MASHKULL - FEMËR) |
 |
 |
 |
|
Written by Pyetësi
|
|
Saturday, 18 March 2006 09:41 |
|
Pyetja:
Esselamu alejkum ve rahmetullah. A dallon mënyra e faljes së namazit të mashkullit nga ai i femrës? Allahu ju shpërbleftë!
Përgjigjja:
Në esencë, bazuar në argumentet e Sheriatit, nuk ka dallim në mënyrën e faljes mes mashkullit dhe femrës. Por, disa dijetarë të fikhut shikuar nga aspekti i përgjithshëm i argumenteve të Sheriatit (si hanefinjtë dhe hanbelinjtë) duke llogaritur se trupi i femrës i tëri është avret kanë thënë se femra duhet të dallojë nga mashkulli si në ngritjen e duarve në tekbirin fillestar, në vendosjen e duarve mbi gjoks, në ruku, në sexhde dhe në qëndrimin ulur. E thonë këtë duke aluduar se kjo është më afër natyrës së femrës që ajo të mos ekspozojë (apo sa më pak që është e mundur) trupin e saj gjatë faljes. Mirëpo, me gjithë qëndrimin e tyre të mirë për ruajtjen e natyrës së femrës nuk duhet insistuar në këtë dallim përderisa nuk ka argument të qartë që dallon formën e të falurit të femrës nga mashkulli, ku të gjitha argumentet lidhur me namazin u drejtohen njësoj si mashkullit ashtu edhe femrës dhe duke e ditur se namazi është obligim i njëkohshëm dhe i përditshëm si për mashkullin ashtu edhe për femrën. Allahu e di më së miri!
Bahri Curri, 16.03.2006
|
|
Last Updated on Saturday, 18 March 2006 10:46 |
