Unë po ju kujtoj këtë çështje të rëndësishme me rastin e ditëve te fundit të këtij viti, vit ky që u largua dhe punët tona nuk kthehen më deri në Ditën e Gjykimit. A nuk na kujton ne, kjo ikje, fundin e shpejtë të kësaj bote. Ditët ikin, vitet kalojnë dhe ne mbetemi të pakujdesshëm. Ky vit është dëshmitar për punët tona të mira të bëra në të dhe akuzues për mosshfrytëzimin e tij me punë të mira. Ai që mendon, shikon dhe dëgjon për aksidentet, krimet dhe vrasjet mbi këtë tokë le ta dijë sa e ngushtë është gropa e varrit, që është e mbushur me krimba.

Lavdërimi i qoftë Allahut, paqja dhe shpëtimi qoftë mbi Pejgamberin sal-lall-llahu alejhi ve sel-lem.
O ju muslimanë që e pranoni Allahun për Zot tuajin, Islamin si fe të vetme dhe Muhammedin Resulullah si pejgamber dhe lajmëtar tuajin. Tërhiqja vërejtjen vetes sate dhe fëmijëve tuaj ndaj ditëve të mosbesimit dhe fyerjes së Allahut, ditëve të turbullirave e të pamoralit në tokë.