|
161. RRETH LAJMĖRIMEVE PĖR TRIBUNA E LIGJĖRATA! |
|
|
|
|
Pyetja:
Selam alejkum. Përshëndetje vëllezër dhe motra. Ua dërgoj këtë letër dhe kërkoj nga ju nëse keni njohuri rreth tribunave të ndryshme fetare, se kur do të mbahen, të na njoftoni! Unë kam dëshirë të jem pjesëmarrës në këto tubime të njerëzve të dijshëm të Fesë Islame dhe kam nevojë për këso ligjëratash. Tung dhe faleminderit për mirëkuptim.
Përgjigjja:
Falënderimi dhe mirënjohja i takojnë Allahut të Plotfuqishëm, salavatet dhe përshëndetjet tona qofshin mbi Muhammedin alejhi selam, mbi familjen, shokët dhe mbi të gjithë ata që e ndjekin këtë rrugë deri në Ditën e Kijametit.
Lidhur me tribunat dhe ligjëratat e ndryshme islame, është paksa e vështirë që të mblidhen të gjitha informacionet se ku dhe kur do të mbahen, ngase secili grup, xhemat, shoqëri apo shoqatë ka programin e vet. Por megjithatë, brenda mundësive që kemi do të lajmërojmë për të gjitha ato ligjërata që arrijmë të sigurojmë informata, në webfaqen dhe forumin tonë Fjala e Bukur.
Këto informacione mund t’i siguroni edhe nëse i përcillni edhe dhomat e ndryshme islame në PalkTalk, emisionet islame nëpër radio të ndryshme, webfaqe dhe në shtyp. Po ashtu mund të shërbeheni edhe me ligjëratat e regjistruara në kaseta të audios, të videos dhe në CD e DVD, që mund t’i gjeni thuaja kudo, në treg, por edhe në internet. Allahu e di më së miri! Bahri Curri, 11.08.2007
src="http://pagead2.googlesyndication.com/pagead/show_ads.js">
|
