Fjala e Bukur - Shkëndija që sfiket

LUMTURIA BASHKËSHORTORE SHKAK PËR RUAJTJEN NGA SËMUNDJET

Shkruar nga I panjohur
e enjte , 19 korrik 2007
Lumturia bashkëshortore nuk është kusht vetëm për ndërtimin e një familje të fortë, porse ajo është e rëndësishme për ruajtjen nga sëmundjet. Kështu që bashkëshortët që jetojnë të lumtur janë më rezistentë ndaj sëmundjeve. Ky është përfundimi në të cilin kanë dalë shumë universitete, në studimet e tyre rreth kësaj çështjeje. Në universitetin “Arizona” është zbuluar në një studim, të cilin e ka publikuar një revistë amerikane e specifikuar për sëmundjet e zemrës, se: Kush jeton në ambiente të mbushura me harmoni dhe lumturi bashkëshortore, në përgjithësi jetojnë më gjatë se çiftet që kanë probleme, sikurse ka zbuluar gjithashtu se: Lumturia bashkëshortore ndihmon në rezistencën ndaj sëmundjeve të zemrës. Pas mbikëqyrjes shtatë vjeçare që i kanë bërë 200 grave, të cilat kanë qenë të prekura nga sëmundjet e zemrës, kanë dalë në rezultate të qarta se: Inkurajimi që kanë dhënë bashkëshortët për bashkëshortet e tyre të sëmura, ka çuar në zëvendësimin e forcës së humbur në zemrat e tyre, gjë e cila ka çuar më pas në pakësimin e influencës së sëmundjes së zemrës te këto gra. Në po të njëjtin universitet, një studim tjetër ka dalë në përfundimin se: Bashkëbisedimi i suksesshëm midis dy bashkëshortëve, dhe ndjenjat pozitive që ka bashkëshorti ndaj bashkëshortes së tij të prekur nga sëmundjet e zemrës dhe anasjelltas, ndihmojnë në rezistencën e sëmundjes dhe vonimin e pasojave të saj. Ndërsa, në universitetin “Carnegie Mejlon” një studim mjekësor ka zbuluar se: Lumturia bashkëshortore luan një rol të rëndësishëm në parandalimin e rrufës, pezmatimin e fytit, si dhe ligështimin që vjen prej saj, sepse ajo rrit mundësitë e aparatit të pathyeshmërisë në trup dhe i mundëson njeriut që ta kapërcejë rrufën dhe pezmatimin e fytit. Imam Shafi'u në një nga poemat e tij ka thënë: Fol ç'të duash, me sharje në çështjen time. Sepse heshtja ndaj të ligut është përgjigje. Jo se më mungon përgjigja ndaj teje. Por s’besoj se luani i jep qenit përgjigje. Marrë nga: Revista periodike fetare kulturore shkencore “Drita e besimit” nr.8, mars 2007 Organ i Unionit të Studentëve Shqiptar në Medinë

Para >