Nga moralet e Islamit që na ka urdhëruar Allahu i Madhëruar dhe i Dërguari i Tij (Paqja dhe shpëtimi i Allahut qofshin mbi të!), është sjellja me besnikëri. Allahu i Madhëruar në Kur'anin Famëlartë ka thënë: "O ju, të cilët keni besuar frikësojuni Allahut dhe jini me besnikët." (Tevbe, 119).

Gjithashtu Pejgamberi ka thënë: “Ju këshilloj ju me besnikërinë, se me të vërtetë besnikëria të udhëzon për në bindje, dhe vërtetë bindja të udhëzon për në xhenet, dhe vazhdon dikush të sillet me besnikëri dhe e kërkon besnikërinë derisa shkruhet ke Allahu besnik.” (Shënon Muslimi).

2- Kthimi i amaneteve

Nga moralet islame, me të cilat është urdhëruar muslimani për të, është dhe kthimi i amaneteve ke poseduesi i saj, Allahu i Madhëruar ka thënë në librin e Tij: "Sigurisht që Allahu ju urdhëron që t’ua ktheni prapë atyre që u takojnë gjërat e dhëna juve amanet për ruajtje në besim." (Nisaë, 58).

Ndërsa Pejgamberin (alejhi salatu ve selam), populli i tij e thërriste Emin (Besnik), dhe linin tek ai gjëra të çmueshme që tua ruante, kur Allahu e lejoi atë për emigrim nga Meka për në Medinë për shkak të shtimit mundimeve dhe torturave të jobesimtarëve ndaj tij dhe besimtarëve, nuk emigroi vetëm se pasi i ktheu pasuritë ke pronarët e saj edhe pse ata ishin jobesimtarë, sepse Islami e urdhëroi për kthimin e gjërave të tjerëve edhe nëse ata ishin jobesimtarë.

3- Përmbushja e premtimit

Allahu i Madhëruar gjithashtu ka porositur duke thënë: "Ata, të cilët përmbushin Marrëveshjen e Allahut dhe nuk e thyejnë fjalën e dhënë." (Rr’ad, 20).

Ndërsa Pejgamberi (alejhi salatu ve selam), e ka konsideruar; thyerjen e premtimit, nga cilësitë e dyfytyrësisë. (Shënon Buhariu).

4-Thjeshtësia

Prej moralit islam është që muslimani të jetë i thjeshtë me vëllezërit e tij muslimanë, të varfrit prej tyre dhe të pasurit e tyre, Allahu ka thënë: "…por ule krahun tënd (me butësi) te besimtarët." (Hixhr, 88).

Ndërsa Pejgamberi (alejhi salatu ve selam), ka thënë: "Me të vërtetë Allahu më shpalli që të jeni të thjeshtë, në mënyrë që të mos bëheni mendjemëdhenj me njëri-tjetrin, dhe të mos i bëni padrejtësi njëri-tjetrit." (Shënon Muslimi).

5- Bamirësia ndaj prindërve

Nga moralet më madhështore në Fenë Islame është respektimi i prindërve dhe kjo sepse e drejta e tyre është e madhe dhe vjen menjëherë pas të drejtës së Allahut, i Madhëruari ka thënë: "Adhuroni Allahun dhe mos i vini Atij shok në adhurim, dhe u bëni mirësi prindërve" (Nisaë, 36).

Po ashtu Allahu i Lartësuar ka urdhëruar për bindjen, mirësinë, dhe thjeshtësinë ndaj tyre si dhe të lutemi për ta ku thotë në librin e Tij: "Dhe ule mbi ta krahun e nënshtrimit, të mirësisë e të përuljes me mëshirë dhe thuani: “Zoti im! Dhuro mbi ta Përkujtimin Tënd siç më rritën mua, kur unë isha i mitur." (Isra, 24).

Gjithashtu hadithi i burrit, i cili erdhi ke Pejgamberi dhe e pyeti: O i Dërguar i Allahut! Kush është ai, i cili më së shumti e meriton respektin tim? Pejgamberi sal-lall-llahu alejhi ve sel-lem tha: "Nëna jote". Po pastaj kush, o i Dërguar i Allahut? Pejgamberi sal-lall-llahu alejhi ve sel-lem përsëri i tha: "Nëna jote". Pastaj kush, o i Dërguar i Allahut? Ai i tha: "Nëna jote". Pastaj kush, pyeti për të katërtën herë burri? Ai i tha: “Babai yt.” (Shënon Buhariu dhe Muslimi).

Respektimi i prindërve dhe bamirësia ndaj tyre nuk është diçka e dorës së dytë, porse ai është farz i domosdoshëm për çdo njeri nga njerëzit, dhe kjo në formën unanime mes dijetarëve.
– Vazhdon –

Marrë nga:

Revista periodike fetare kulturore shkencore “Drita e besimit” nr.8, mars 2007

Organ i Unionit të Studentëve Shqiptar në Medinë