Dita e xhuma e datës 02.09.2005 ishte një ditë e veçantë, ditë kënaqësie dhe gëzimi për Këshillin e Bashkësisë Islame dhe për të gjithë besimtarët e qytetit të Pejës.
 Shqipërim Berisha nga Peja, një djalosh i ri, i cili para luftës së vitit 1999 kishte qenë vijues i rregullt i mësimit të fesë për një kohë të gjatë në xhaminë Kurshunli në Pejë, të imami i saj H. Nexhmedin ef. Hoxhaj, aktualisht kryetar i KBI-së, shquhej për mendjemprehtësi, shkathtësi dhe seriozitet gjatë vijimit të mësimit në xhami. I respektuar nga i gjithë xhemati i xhamisë dhe qytetarët, për edukatën, sjelljet e tija si dhe rrjedhën e tij nga një familje me tradita fetare islame.

Një histori e gjatë dhe e ngatërruar kjo e shqiptarëve nëpër botë. Të shpërndarë sipas një harte që askush deri më sot nuk është kujdesur që ta përpilojë në detaje, vendndodhjen e paraardhësve tanë të afërt e të largët, të rinj e të vjetër, ekonomikë, politikë apo të natyrave gjithfarësh, të cilët ndodhen të përhapur në të gjithë sipërfaqen e globit, sipas një çrregullsie të mahnitshme.  

Fatëkeqësitë natyrore ndodhin vazhdimisht. Ato godasin natyrën, individin dhe shoqërinë. Mesazhi që përcjellin ato mund të jetë i ndryshëm. Radikalët shpejtojnë ta interpretojnë atë si dënim nga Zoti, sepse duan ta stërtheksojnë hakmarrjen e Zotit ndaj atij që e meriton. Natyrisht kjo edhe mund të jetë, por jo gjithnjë. Në media u transmetua një prononcim i Al Kaides ku shprehej kënaqësia për kataklizmën e shkaktuar nga uragani Katrina në SHBA. Shprehja e kënaqësisë në këso raste pamëdyshje në botën e qytetëruar tingëllon si diçka johumane.

Në Kosovën e pasluftës kanë mbirë si këpurdhat pas shiut shumë media, veçmas elektronike, një pjesë e të cilave, duke shfrytëzuar anarkinë e krijuar dhe kushtet e tranzicionit, kanë arritur të mbijetojnë deri në ditët tona.
Sipas një informacioni zyrtar të siguruar nga departamenti i mediave pranë UNMIK-ut, del se në Kosovë janë të licencuara 113 media elektronike, prej të cilave 23 janë televizione. Është interesant fakti se nga këto media, 33 i përkasin komunitetit serb, 3 atij boshnjak dhe 2 komuniteti turk, ndërkohë që 20 media elektronike, krahas gjuhës shqipe, transmetojnë program edhe në gjuhë të komuniteteve tjera që jetojnë në Kosovë (serbe, boshnjake, turke dhe rome).