Çështja e identitetit fetar të presidentit tashmë të ndjerë të Kosovës Ibrahim Rugova, është bërë temë shumë e përfolur në qarqe të ndryshme politike, kulturore, fetare, etj.. Në të vërtetë, nëse kihen parasysh dimensionet dhe reflektimet e mundshme të kësaj problematike, automatikisht vihet në përfundim se një diskutim i tillë është me rëndësi, por edhe duhet trajtuar nga të gjitha aspektet e mundshme. Shikuar nga aspekti fetar islam, nuk është me rëndësi jetike se një individ, kushdo qoftë ai, a ka qenë musliman apo jo, duke mos mohuar rëndësinë individuale të kësaj çështjeje. Por kur kemi të bëjmë me figura publike, me liderë e udhëheqës institucionesh e shtetesh, atëherë paraqitet rëndësia e definimit të identitetit (edhe fetar) të personalitetit në fjalë, ngase reflektimet mund të jenë politike, kulturore, madje edhe propagandistike.

Gazetat gjermane dhe spanjolle, pas gazetës franceze, ripublikuan karikaturat daneze që ofendojnë Pejgamberin Muhammed sal-lall-llahu alejhi ve sel-lem dhe shpallën se liria e gazetarisë është më e rëndësishme  se sa protestat e bojkoti që i shkaktoi në Botën Islame publikimi i karikaturave.
Gazeta gjermane “Die Welt”, e cila publikoi karikaturat thotë. “Nuk ka imunitet (mbrojtje e dëlirësi) për askënd nga sarkazmi në Perëndim”. Poashtu edhe një gazetë zvicerane në gjuhën gjermane publikoi dy prej këtyre karikaturave, ndërsa në Spanjë, dy gazetat e saj “ABC” dhe “El Periodic” publikuan këto karikatura.