Ngjarje e veçantë dhe madhështore, me ndikim të madh në jetën e muslimanëve, s’do të pushojë historia duke e përmendur si një fitore e së vërtetës dhe zmbrapsje e të kotës dhe shirkut, e kjo është: Takimi i të Dërguarit (paqja dhe mëshira e Allahut qofshin mbi të) me Ummetin e Tij në Haxhin e Lamtumirës, pas një xhihadi, i cili vazhdoi më tepër se njëzetë vjet, që përfunduan me fitoren e tij në Siujdhesën Arabe dhe me spastrimin e Haremit dhe çka ka përreth tij nga mbeturinat e politeizmit dhe ithtarëve të tij dhe atë në vitin e dhjetë sipas hixhretit. Në këtë haxh u shua etja e besimtarëve, të cilët ishin të etur të mësonin rregullat e haxhit dhe si kryhen ato, ngase ky haxh ndodhi në kohën e përhapjes së Islamit në Siujdhesën Arabe ku u shtua numri i muslimanëve dhe u forcua besimi dhe njerëzit ndienin një nevojë të madhe për njohjen e rregullave të haxhit.